Со гордост објавуваме значаен чекор за Superblock Studio во Бенгази, Либија.
Одбрани од меѓународен круг што вклучуваше некои од водечките светски архитектонски практики, меѓу кои и Zaha Hadid Architects, Superblock беше поканет да го претстави своето урбанистичко решение за иднината на Бенгази.
Проф. Иван Мирковски, главен архитект, и Флора Халими, директор на студиото, одржаа пленарно предавање и го презентираа решението пред инж. Белкасем Халифа Хафтар, генерален директор на Фондот за развој и реконструкција на Либија (FDRL).
Superblock имаше чест да присуствува и како VIP гостин на големото повторно отворање на реконструираниот Универзитет во Бенгази — важен симбол на обновата на градот и на инвестицијата во неговата иднина.
На своето централно изложбено место од 30 m², студиото ги пречекува претставниците на либиската Влада, институционалните чинители, потенцијалните партнери и професионалците од индустријата, и го претставува целосниот урбанистички проект во рамките на Б2Б Експото за архитектура и урбанизам, во склоп на Global Competitive Urban Planning Initiative – Бенгази (GCUPI-B).
Делови од предлогот
- Benghazi Gateway Project — Bab Al Khamsa — градот како отворена дланка кон Медитеранот: пет оски, пет порти, една поврезана обала.
- Benghazi One — вертикален репер на новиот деловен центар, кула од 50 ката на срцето на Bab Al-Khamsa.
- The New Corniche — обалната магистрала се спушта под кота, а површината се враќа на луѓето: шеталишта, тераси и градини кон морето.
- Western Lake District — нова четврт околу западното езеро со Центар за биодиверзитет и науки, изградена врз обновени водни станишта.
- CBD Port Extension — проширување на пристаништето како продолжение на градското јадро кон водата.
- Innovation & Culture Center — јавен објект за наука, култура и размена на знаење.
Ова е повеќе од презентација на проект. Тоа е можност да придонесеме во пошироката дискусија за обновата, идентитетот и иднината на Бенгази — претворајќи ја урбанистичката визија во спроведлива рамка за долгорочен развој.
Со задоволство ја делиме нашата работа, градиме нови партнерства и помагаме во обликувањето на следното поглавје на овој извонреден град.
